"Teriluh tendiku"
Sanga kunin matawari
Sanga kunin matawari
I kerabun wari, i tengah sabah
I bas inganta ndube
Ercakap cakapken wari si reh
Mbegi mbegi sora perik
Nemani kita i bas ukur meriah
Nuturken ate ngena-nta
Genduari, bas saat enda
Teriluh kel tendiku nde iting
Erkiteken kuburendu ngenca si ngalo-ngalo
Tambar malem ningen,
Tapi labo malem malem ukurku enda
Natap natap si nggo lewat
Si lanai terobah, adi nggo padan.
Teriluh kel tuhu tendiku
Adi matawari tempa lanai ndarat
Erkiteken ciremndu lanai ku idah
Tuhu ngenda kata nini si nai
Mesera ngenda nggeluh
Adi lanai lit tambar malem ndai
" Paksa Page Megersing "
Paksa page megersing
Perik sikabang rangkat - rangkat
Nusur cinep kujuma simbelang
Naguti page simbaru megersing
Sora surdam permakan erdilo
Teruh deleng meratah milau - ilau
Singuda - nguda lolah ncikep bayunna
Erwayah - wayah meriah ukur
Ukur singuda - nguda erbunga - bunga
Ndengkehken sora surdam anak perana
Rende me ia ngumputi bayuna
Nguraki lenget lino paksana ia muro
Meriah tuhu ukur malem pe pusuh
Jumpa ras ate ngena janah erguro - guro
Ibayu kekelengen peteguh ukur
Mabai turah arih ersada tumbuk sura - sura
Kerja adatna enca dung rani page megersing
Share
Tidak ada komentar:
Posting Komentar